Менавіта першасная перапрацоўка дазваляе атрымаць дабраякаснае малако, якое мае высокія харчовыя, біялагічныя і санітарна-гігіенічныя ўласцівасці, якія адпавядаюць высокім стандартам якасці прынятым у Рэспубліцы Беларусь. Першасная апрацоўка малака – гэта не толькі ачыстка ад механічных прымешак, але і астуджэнне, захоўванне, пастэрызацыя, нармалізацыя і інш. У 2010 годзе прадпрыемства «Смаргонскія малочныя прадукты» набыло і ўстанавіла новую лінію першаснай перапрацоўкі малака фірмы «GEA-WESTFALIA». Прадукцыйнасць лініі перапрацоўкі – 25 тон у гадзіну. Запуск гэтага абсталявання дазволіў значна палепшыць якасць выпускаемай прадукцыі, павялічыць аб'ёмы перапрацоўкі сыравіны і скараціць энергазатраты.