7 чэрвеня ў актавай зале СШ №5 жартавалі і смяяліся. Самая актыўная частка моладзі Смаргоншчыны прыняла ўдзел у раённай гульні КВЗ.

Удзел прымалі тры каманды: «Чуткі Смаргонь 24», «Камунальны фреш »(каманда РУП«ЖКГ») і зборная «Культ медыцынскай адукацыі харчовай прамысловасці», у склад якой уваходзілі супрацоўнікі«Смаргонскіх малочных прадуктаў». Феерверк жартаў, смеху і ўсмешак, запушчаны на сцэне, знаходзіў водгук у зале. Гледачы і заўзятары не толькі атрымлівалі зарад пазітыву і весялосці са сцэны, але і самі актыўна падтрымлівалі гульцоў.

Журы ў складзе прадстаўнікоў БРСМ і райвыканкама вызначыла, што ў першым конкурсе «Мы - маладыя» лепш за ўсіх сябе паказалі прадстаўнікі «Камунальнага Фрэша» . А зборная маладых спецыялістаў, як назваў каманду «Культу...» член журы Міхаіл Тамашэвіч, перамагла ў біятлоне «У эфіры навіны» і ў конкурсе музычнага хатняга задання «Перазагрузка» . Таму не дзіўна, што першае месца занялі менавіта «культаўцы» . На другім месцы «Камунальны фреш» , трэцімі сталі «Чуткі Смаргонь 24» . Журы доўга раіліся, перш чым вызначыць месцы, бо розніца паміж сумамі сярэдніх балаў каманд за ўсе конкурсы мінімальная - 13, 12,8 і 11,4, адпаведна.

Камандам ўручаны граматы і памятныя падарункі ад райкама БРСМ і аддзела ідэалагічнай работы і па справах моладзі райвыканкама.

Спасылка на зыходны артыкул